Plataforma de nais e pais afectados do IES Barral

2009-10-12T07:44:00.000-07:00

Onte domingo tivo lugar a comida-xuntanza que comentáramos facer. Na casa cultural de Guláns, xuntámonos varias familias coas nosas empanadas (ente outras cousas) para celebrar un día amigable, tranquilo, algo que non tivera nada que ver co resto que fixemos nos días pasados. Non éramos moitos, contábamos con máis xente, pero xa se sabe, ó estar solucionado o problema, como que son cousas con menos importancia.

Os que asistimos dende logo non o pasamos nada mal, e se cadra coñecemonos máis tranquilamente, e tivemos outro tipo de charlas. Como sempre, compoñentes da banda de música tocaron para nos, como nas manifestacións. Desta volta pasouselle a gorra, e cairon varios donativos, merecíano.

Dani, un dos membros máis activos da Plataforma, tomouse un relax máis que merecido e exerceu de cámara:

Varios dos asistentes, non éramos moitos, pero éramos bos:

Rapaces da banda, sempre incansables e ó pe do cañón:

Con isto, case que se da por pechado este blog, aínda nos queda moito traballo por facer: que todo quede correcto no Instituto, creación da Anpa, etc. Esperemos que se molle máis xente.

En fin, agradecer a colaboración de tódolos pais afectados, e non afectados que se solidarizaron, sen eles aínda seguiríamos dando tumbos cos rapaces dun lado para outro. Para o meu parecer, foi todo un exemplo de mobilizacións civilazadas, sen ter ningún tipo de problema reseñable.

Ata outra.

Inicio do curso escolar

2009-10-07T03:10:00.000-07:00

Por fin hoxe os rapaces puderon escomenzar as clases no IES do Barral, tal e como se acordara na reunión co Xefe Territorial.

Según a directora do centro, as clases impartíronse con normalidade, salvando os pequenos atrancos típicos dunha inaugaración feita tan a correr, pero que non dificultaron o curso delas.

Referencia aparte son os servizos. A auga, despóis duns problemas, xa está conectada e funcionando. Non así o suministro eléctrico, aquí e donde se pode dicir aquilo de "a can fraco, todo son pulgas", pois resulta que algúns "donos do alleo" fixeron delas estes días atrás e roubaron parte do cableado de cobre. A sorte é que o centro dispón duns xeneradores de emerxencia, que se ben non cubren o total das necesidades, dan suficientemente para que se traballe con normalidade. Nestes días teñen pensado arranxalo.

Os accesos, pois o dito onte, o rodado está totalmente rematado, mentras que o peatonal terá que esperar uns días ata rematalo e que sexa minimamente transitable. Temos a confirmación do Concello de que o van a asfaltar, o cal non estaría nada mal. Para saír do paso, puxeron unha línea de bus, para recoller os rapaces que van a pe no Colexio Ramiro Sabell e trasladalos ata o instituto.

En fin, que xa están dentro, que era o que importaba.

Vispera do comenzo do curso escolar.

2009-10-06T08:22:00.000-07:00

A falta de menos de 24 horas para o comenzo do curso escolar, e por conseguinte para a inauguración do IES do Barral, parece ser que a entrada rodada pola Nacional 120 xa está rematada, xunto co servicio de saneamento que vai por esa marxe.

Outro caso ben distinto son os servizos de luz e auga, que parece ser que empezarán a funcionar hoxe. Pero o caso máis problemático é o acceso peatonal, este aínda non ten pinta nin de ser iso, un acceso. Haberá que botarlle culpa ó tempo, que non parou de chover, pero malamente vai estar rematado para mañán. Teremos que facer de tripas, corazón, e ver se nos días seguintes se vai parecendo a un paso peatonal.

Estas fotos mostran o seu estado:

Asamblea cos pais afectados

2009-10-04T02:34:00.000-07:00

Este sábado xa foi para nos un día moito máis tranquilo, non tivemos que realizar ningún acto especial. O que máis e o que menos acercouse un par de veces ata o instituto para comprobar "in situ" o estado das obras. Vese que están traballando a bo ritmo, e para o mércores debían escomenzar as clase sen problemas, tal e como se fixou a data.

Pola noite tivemos a asamblea cos pais de alumnos afectados, que se celebou sen ningún tipo de problemas. Tódolos asistentes aprobaron por unanimidade as medidas tomadas con Educación e mostrounos o seu apollo en tódolos pasos dados. Todo un detalle, que nos fai pensar que fixemos as cousas ben.

Se todo sae con normalidade, acordamos facer unha xuntanza-comida cos pais afectados e alumnos do Novo IES do Barral, para o vindeiro domingo día 11. Pensamos que é o mínimo que podíamos facer despóis do traballiño que pasamos para lograr o noso obxetivo, e unha boa forma de agradecernos, entre todos, a nosa colaboración, comprensión, unión e traballo pasado. O lugar da xuntanza está ainda sen confirmar, pero agardamos que poidamos facelo na Casa Cultural de Guláns.

Primeiro día sen mobilizacións.

2009-10-02T10:40:00.000-07:00

E asi foi. Como se ve aquí, as máquinas estaban onte preparadas para empezar as obras.

E como tal, parece como si conseguíramos un reto importante, un dereito que nos querían quitar. Foi emocionante sentir esa sensación. Para deixar constancia tiramos unhas fotos algúns dos primeiros que nos presentamos alí. A cara de ledicia que temos despóis de pasar varias noites case sen durmir o dice todo.

Hoxe fomos a Pontevedra a reunirnos co Xefe Territorial de Educación, coa inspectora e máis co alcalde de Ponteareas. Nun principìo todo foi ben, explicáronnos por donde ían a ser os accesos e fixouse como data de inicio do curso escolar para o próximo mércores día 7 de Outubro. Sobre o tema da recuperación das horas lectivas perdidas, nun principio non se lle deu moita importancia, xa que consideran que machacándose un pouco no primeiro trimestre, poden recuperar o perdido sen moitos problemas e sen ter necesidade de amplíar o horario. Levarase un seguimento sobre este tema, e se houbera algún problema estudiaríase a forma de amplíar tal horario.

Estas son algunha fotos no "XA" novo IES do Barral. Dende logo ten moi boa pinta.

4º día, pleno extraordinario

2009-10-01T00:00:00.000-07:00

Pasamos unha noite bastante dura e longa, xa que o cansancio vai facendo mella e o durmir aquí faise moi difícil. Polo tanto as 7:15 da mañán levantamos a todo o mundo e puxémonos a arrumbar o salón de plenos (non se poden queixar, deixámosllo en perfecto estado). Antes das 8 xa tíñamos con nós a Tele 5, que se involucrou agora ó final e fíxolle unha entrevista en directo a Dani.

Ás 8:30 escomenza o Pleno Estraordinario. A propuesta ou novo convenio entre Concello e propietarios consiste en que ditos propietarios ceden os terrenos a expropiar coa condición de que o Concello revoque a solicitud de expropiación forzosa. A cesión gratuita é temporal durante dous anos e medio, pasados os cales se non se aproba o Plan Xeral Urbanístico o Concello asumira o coste do víal que esta proxectado na zona, que sería o que dese entrada rodada o Instituto. A entrada rodada nestes momentos é unha incognita. A proposta apróbase por maioría, coa abstención dos dous partidos da oposición, os cales se queixan de non poñer sobre a mesa o informe sobre o que pode custar o víal, e avisan do gasto que lle vai supoñer ese acordo ó Concello.

Neste momento topámos aínda dentro do Concello e acabande avisarnos que o acordo está firmado e van a empezar a traballar as maquinas no acceso.

Vámonos para alá correndo.

Lográmolo!!!!!!

Fotos do pleno:

3º día, esperemos que sexa o penúltimo.

2009-09-30T11:07:00.000-07:00

Seguimos co noso encerro, e cecáis un pouco esperanzados. Xa nos chegou a comunicación oficial de que para mañán xoves vaise celebrar un pleno extraordinario ás 8:30, para tratar o tema da revocación do expediente de expropiación que se cursara fai unha semana. No momento que se aprobe este punto, e se firme o convenio entre o Concello e os propietarios, parece ser que as máquinas comenzaran coas obras dos xa famosos enlaces. Nun principio, estamos moi esperanzados, o principal é que este problema remate dunha vez. Pero haberá que ver as condicóns do novo convenio, que polo que soa, á larga poderalle sair bastante caro ó Concello, e polo tanto a tódolos Ponteareáns.

Para o venres temos unha reunión coa Consellería de Educación, donde supoñemos que trataremos os temas sobre a recuperación das horas lectivas, e sobre todo o seu compromiso de asumir as responsabilidades sobre as carencias nos accesos que se poidan producir por facer as cousas a correr (tarde, mal e arrastro)

Dicir tamén que agora é cando as televisións empezan a preocuparse, despóis de chamalas con insistencia para que mostraran o noso problema, veñen agora que collemos esta medida do peche no Concello.

2º día de encerro

2009-09-29T11:43:00.000-07:00

Ata os máis pequenos están asistindo a este encerro:

Cumpriuse o segundo día e a situación segue con total normalidade. Carecemos de ningún tipo de noticia e non sabemos se os asesores xurídicos das parte implicadas, chegaron a reunirse para tratar o tema do novo convenio entre Concello e os propietarios dos terrenos colindantes ó IES do Barral. Hai que recordar que hoxe foi festivo en Ponteareas.

En voz de tódolos pais afectados, recalcamos a nosa decisión de continuar no salón de plenos do Concello, ata que se vexa un acordo firmado coa cesión dos terrenos e as máquinas comencen a traballar e habilitar os accesos. Aí será cando poderemos fíarnos e levantar o noso "campamento". Pero sempre pendiente, xa que non podemos fíarnos moito.

Polo demáis, comentar que o tempo (aquí dentro) vaise pasando con moita calma. A noite fíxose un pouco longa, pero cada un intenta levalo da mellor maneira posible. Esperemos que mañán teñamos algunha noticia positiva.

Estas son algunhas fotos do encerro.
Houbo tempo para xogar ás cartas,

Navegar pola rede,

Alimentarse no salón, xa que as horas pasan factura,

Ocupar os asientos dos concelleiros,
e ata deu tempo a botar unha cabezadiña,

Encerro no Concello

2009-09-28T20:00:00.000-07:00

Este luns era o día, e como anunciáramos pechámonos no Concello. Ó redor das oito da mañán, un grupo de pais e rapaces achegáronse ata o Concello e ocuparon o salón de plenos, sen ter ningunha resistencia por parte das autoridades. Así pasou a mañán sen máis noticias importantes e coa incredulidade de que ninguén viñese preguntar que facíamos alí.

Hacia o mediodía chegounos a noticia de que a inspectora de Educación daba o visto bo ás instalacións do Conservatorio máis os baixos comerciáis, os cales necesitarían unha pequena reforma, como a colocación dunha división nun deles para facer dúas aulas e colocación de mobiliario. Polo menos temos unha noticia positiva.

Os relevos entre os pais e rapaces vaise facendo sen problemas, as portas do Concello non pecharon pola tarde, e así foi un ir e vir de xente de cotío.

A tardiña temos noticias de que o Alcalde quere falar con nos, xa que fora a Madrid para tratar cos propietarios dos terrenos colindantes co IES do Barral, ó parecer trae boas noticias pero non queremos esperanzarnos. Na reunión coméntanos que a conversación con ditos propietarios fora todo un exito e que o problema estaba a piques de rematar. Queremos "creer", pero a nosa experiencia dinos que sexamos incrédulos e polo tanto seguiremos co noso encerro ata que vexamos unha firma e as máquinas traballando nos accesos do IES.

Pancartas nas ventanas do Concello.

Momentos de relax durante a tarde.

Os rapaces na mesa do alcalde.

Membros da plataforma reunidos co alcalde e co concellal.

A Plataforma informando ós pais sobre a reunión.

Unha asistente ó peche que tivo o detalle de comprar unha roscas para os rapaces.

Asamblea cos pais afectados

2009-09-26T11:50:00.000-07:00

Pola mañán topámonos cunha noticia no portal da Xunta, que non era certeira. Viñan poñendo que a decisión de aceptar o Conservatorio e os baixos depende de nos, da nosa decisión e iso non é así.

Na asamblea explícase este punto, e despóis de matizalo varias veces ponse en votación. O punto é o seguinte:

"Os pais aceptamos unha escolarización nese centro, cunhas condicións un pouco desfavorables (aulas pequenas, falta das asignaturas de Ximnasia e Laboratorio), sempre e cando sexan provisionáis (uns dous meses), pero a decisión final de aceptar e propoñer esa medida sempre será da Consellería de Educación (nunca nosa),asi como a garantia dunha escolarización digna, cumprindo as normas de seguridade , hixiene , transporte ...
Aprovase este punto por maioria.

Tratamos o punto das medidas e protestas a tomar. Propoñemos unha en secreto (para que non se nos frustre). Apuntase moita xente , ainda sin saber para que. (Encerro no Concello, é o tema). A ver se vai adiante.

Fotos da banda de música de Guláns. Se isto non se arregla, a ver cando ensallan.

Manifestación histórica

2009-09-25T11:51:00.000-07:00

Asistencia a Pontevedra por parte da Plataforma e varios pais afectados (en total sobre unhas 40 persoas), para reunirse co Secreterio Xeral de Educación da Xunta de Galicia, o Xefe Territorial da Consellería de Educación en Pontevedra e Inspectora de Educación de Pontevedra.

Nela topámonos coa sorpresa que asiste tamén o Alcalde de Ponteareas, sen nos saber nada.

Despóis das presentacións entramos no tema. A inspectora explicanos que a decisiónque tomaron foi "a menos mala" despóis de baraxar outras opcións.

Ante a proposta do colexio de Vilar en Mondariz con aulas prefabricadas, botáronna abaixo con varias excusas, que se para colocar as aulas leva tempo (sobre un mes), que se os pais se botarían a ela. En fin, que non interesaba.

O alcalde saca a proposta do Conservatorio (aquel que non lle valía antes) e uns pisos que hai enfrente. O secretario do Conselleiro deu unha boa impresión, intentando que o problema se resolva. Non así a inspectora e o xefe territorial (o cal gárdome a miña impresión).

Quédase ás doce dese día para evaluar as condicións do Conservatorio, entre a inspectora e a directora do IES de Barral e o Concelleiro Alberto Novoa.

Ó parecer o informe é negativo por falta de aforo. Despóis barállase a opción dos baixos comerciáis que hai enfrente do Conservatorio. Estamos pendientes da evaluación.

Pola tarde ás 19:30 celébrase a manifestación dende o Val do Tea co seguinte recorrido, Paseo Matutino, N-120, Rotonda de Mondariz, Rúa Castelao, Rosalía de Castro e dirección ó Concello.

Masiva afluencia de xente, afectados e non afectados, numerosas mostras de solidariedade. Aduración anduvo sobre as tres horas. Foi a manifestación máis importante de Ponteareas e viu a dicir o sentir do pobo.

Ó rematar convócase unha asamblea cos pais afectados para o sábado ás 8 da tarde no Parque da Visoureira en Guláns.

Diferentes fotos do día:

2º día de mobilizacións, malas novas e decepción.

2009-09-22T18:21:00.000-07:00

Como xa acordáramos, concentrámonos no Val do Tea ás 8:30 da mañán e imos manifestándonos ata o Concello. Voltamos coas pitadas e a repetir os nosos cánticos reinvindicativos.

O alcalde fainos sentir as primeiras decepcións, xa que a directora dalle un informe negativo sobre o Colexio de Vilar por falta de aulas, soamentes ten 7 das 10 ou 11 que farían falta.

Coa noticia de que non foi a Santiago, chegounos a segunda decepción, se cabe a máis dolorosa xa que démonos conta que nos estaban enganando e utilizando.

Quedamos para a seguinte mobilización para o mércores ás 10 da mañán, nun horario máis cómodo para que poida asistir un número maior de xente.

Pola noite reunímonos a Plataforma, e decidimos que temos que tomar medidas máis drásticas xa que nos están tomando o pelo. Temos as vistas postas na manifestación do sábado e agardamos que sexa un éxito. Estamos buscando a formade conseguir unhareunión coas altas esferas de Educación.

Primeiro día de mobilizacións

2009-09-21T11:31:00.000-07:00

Despóis do acordado o venres, xuntámonos unha boa cantidade de pais no Val do Tea, e fixemos unha mini-manifestación ata o Concello, coa colaboración da Garda Civil e a Policía Local, que xa se temían algo. Pitada diante do Concello e reunión co alcalde. Este danos unhas explicacións de por que se chegou a este punto, as cales non nos convencen. A nosa preocupación é que se escolaricen os nenos en horario de mañán, que é como están matriculados. Logo propón a posta en marcha de expropiación forzosa, a cal según o asesor xurídico do Concello duraría un prazo de dous meses.
Como vía alternativa para ese tempo propón o Colexio de Vilar en Mondariz. Queda para esa misma tarde coa directora do "ficticio" IES Barral para evaluar as aulas. Asi mesmo comprométese a ir o martes a Santiago para informar á Consellería de Educación e buscar solucións.

Pola noitiña xuntámonos algúns pais e creamos unha plataforma para tentar axilizar o problema.

Quedamos novamente para o martes ás 8:30 da mañán no Val do Tea para novas manifestacións.

Primeiras fotos das mobilizacións, realizadas por Xoan Carneiro.